رواية هموم رجل الفصل الثاني

رواية هموم رجل الفصل الثاني

    رواية هموم رجل الفصل الثاني


    ،،،،،وجي اسبوع العرس 
    ////تهاني كانت طول الوقت وهي طالعة تشري وتبتت لي روحها وما خلت ما شرت 
    ////ابراهيم كان ايستف في اموره لانه كان بيسافر ف خدي اجازة من العمل وحجز ثالث يوم بعد زواجهم 
    ////جي يوم الفاتحة الصبح 
    امه،،،،،رورورورووروروروروروروروروروروروروروروروروري
    مها،،،،،ماما هي الفطور واتي قوليلهم ايجو 
    خيرية،،،،،هي يا عويلة اتفضلو الفطور واتي 
    ////خشو النساوين كلهم الي الدار ويهدرزو وقعمزو كلهم خالات وعمات ابراهيم
    مها،،،،،خالتي حق وين امل امس بنسألك لهيت متقولوليش متبيش اتجي 
    سعاد،،،،،،امل مسافرة هي وفارس ( خوها ) 
    مها،،،،،لااااا امتي سافرت 
    سعاد،،،،،ليها اسبوع مشت لي تركيا قالت مضايقة من القراية تبي اتغير جو مشي بوها حجزلها ليها ولي خوها فارس ومشو 
    مها،،،،،مفيش امل انها اترواح اليوم ولا غدوة 
    سعاد،،،،،لالا الاسبوع الجاي ان شاء لله 
    مها،،،،،،يخسارة ولله بتخلي مكانها 
    سعاد،،،،،معليشي توا انجيبها بعد ما اترواح 
    خيرية،،،،،ولله بنيت اختي يخلف عليها في كل مناسبة وهي في المطبخ حتي في عرس احمد مسكينة مطلعتش منه لكن باهي اهم شي اتوسع خاطرها 
    سعاء،،،،،،ايه حق 
    ////قعدو ايهدرزو بينما ابراهيم ناض من النوم علي صوت خليل صاحبه 
    خليل،،،،،،شني يا عريس راقد
    ابراهيم،،،،،ايه ولله تعرف تاعب هلبة
    خليل،،،،،، نوض ياسرك نوم هي اليوم شواء حوت ياسلاااام 
    ابراهيم،،،،،انت متفكرش الا في بطنك بس 
    خليل،،،،،ههههههه تعرف عرسك نستني فيه علي خاطر الحوش والقنبري اوووف هي نوض جعت 
    ابراهيم،،،،،هي هي خلي اندير دوش الاول ونطلعو 
    خليل،،،،،ايه اصلا هوا الشباب قالولي قريب ايطيب بكري بكري اليوم الساعة 1:30 انكونو متغديين وكملين مش انلحقو ع الفاتحة 
    ابراهيم،،،،،باهي سوريتي من بيحددهالي حضرتك طبعا
    خليل،،،،،،اوووو شني تحسابوني حداد وانتو وينه يلي يبي يتزوج ايقولي حددلي سوريتي 
    ابراهيم،،،،،،مصح لله وجهك انا في عرسك حددتلك سوريتك وبخيتلك من صنتي 
    خليل،،،،،هههههه بختلي من صنتك 
    ابراهيم،،،،،ههههههههه ايه مش اتشوف الكرم متاعي كيف 
    خليل،،،،،،باهي حاظر انت خش دوش وصلي وانا انحددهالك وكان حرقتها دبر راسك 
    ابراهيم،،،،،،،عدي احرقها ناخد سوريتك وانت مش لازم منها الفاتحة
    خليل،،،،،علي عقاب الوقت بديت انحدد زي المرا
    ابراهيم،،،،،حدد واسكت انا خاش بندوش 
    خليل،،،،،باهي هي وقت 
    ////خش ابراهيم دار دوشه وخليل ايحدد واينقرز 
    ////طلع ابراهيم ولبس سورية عادية وخدي معاه سورية الفاتحة وخليل وامشو الي الحوازة لقو الشباب موتين الغدي وقريب يجهز
    ////هدرزو الاولاد مع بعض وبردو شوية علي ابراهيم وبعدين جت الساعة 2:00 بدي الدور علي الدوش وكلهم جهزو نفسهم الي الفاتحة وطلعو واتجهو الي الجامع وطبعا كانو هما الاولين لانهم مشو بكري
    خليل،،،،،،تي ياراجل جايبنا من توا والظهر كيف اذن 
    اسامة( صاحبهم ) ،،،،،،حتي انا مفهمتش ياراجل جايين من توا 
    ابراهيم،،،،،ههههههه استنو معليشي انا بنتأمل في المكان يلي بنقرا فيه فاتحتي علي الغالية 
    اسامة،،،،،انت تتأمل واحنا شن بنديرو 
    ابراهيم،،،،،،اتأملو معاي 
    كلهم،،،،،ههههههههههههه
    خليل،،،،،اسمعو اتعالو انقعمزو انهدرزو لين تبدأ الزحمة
    كلهم،،،،،،،اوكي ماشي 
    ////قعمز الاولاد ايهدرزو ويستنو في العصر 

    ________________


    في حوش عمي عبد السلام 
    ////تهاني لابسة البودري وهما كانت عندهم عزومة لي الرجالة وكانو كلهم لاهيين لان حتي عرس خوها معاها 
    ////فات الوقت وجي وقت الفاتحة وقروها وكانت فرحة ابراهيم لا توصف ويستني في الناس كلها اترواح مش هوا ايكلم تهاني 
    ///وفعلا روحو الناس وتمت الفاتحة علي خير والعشاء كان في حوش عمي محمد زحمة وهكي وابراهيم مفضاش لييين قريب الساعة 12 في الليل رواح لي حوشه لان حوش بوه زحمة وبعد ما فضي اتصل بي تهاني 
    طووووط طووووط 
    تهاني ،،،،،الووو 
    ابراهيم،،،،،اهلين 
    تهاني،،،،،اهلين ابراهيم كيف حالك 
    ابراهيم،،،،،تمام الحمد لله انتي شن مدايرة 
    تهاني ،،،،،تمام التمام 
    ابراهيم،،،،،،مبروك وان شاء لله انكملو عمرنا مع بعضنا 
    تهاني،،،،،الله يبارك فيك ان شاء لله يارب
    ابراهيم،،،،،،بأذن لله حنحطك في عيوني يا تهاني 
    تهاني،،،،،،حتي انا ابراهيم 
    ابراهيم،،،، هانت خلاص غدوة معاي انتي 
    تهاني،،،،،ان شاء لله 
    ابراهيمً،،،،،،ان شاء لله يلا توا انخليك ترقدي لان حتي انا تعبان هللللبة اليوم كله وانا واقف 
    تهاني،،،،،،ماشي خلاص نتلاقو غدوة 
    ابراهيم،،،،،،تصبحي علي خير 
    تهاني ،،،،،وانت بخير 
    ////سكرو الاثنين وابراهيم كان يلقي ايطير من الفرحة ناض اتوضأ وصلي ركعتين شكر وبعدين خش رقد 
    ////اما تهاني الحوش زحمة والبنات معاهم كانت طول الليل وهي اتهدرز 
    ////فات اليوم وجي اليوم الثاني تهاني ناضت بكري ومشت المزين اما ابراهيم خداها نومة لين خليل ايطقطق ع الباب 
    ابراهيم،،،،،،صبح يا فتاح 
    خليل،،،،،،صبح عينك الساعة 1:00 نوضو منوض 
    ابراهيم،،،،،،خش خش وانت زي الهم علي القلب الواحد بيرقد انت الزم اتعكرله جوه 
    خليل،،،،،اسمع تعرف تسكت ولا لا لان جايبلك معاي حاجات الثلاجة مش عاجبك عادي راه انرواح بيهم لي مها تفرح بيهم راه 
    ابراهيم،،،،،،شاريلي شكاليط بي عشرين جني وجاي تتجكتر بيهم عليا
    خليل،،،،،،عينك عشرين جني هاذم يلي هازي عليهم بي ثمانين جني يا باشا 
    ابراهيم،،،،،هههههههه باهي هي ستفهم خلي انلحق انصلي الصبح قبل لا يأذن الظهر 
    ////ابراهيم صلي وبعدين خليل ساواله الحوش وبعدين مشو الي الحلاق وجهزو نفسهم لين جت الساعة ثمانية ومشي بدل حوايجه
    ////وبدأت الحفلة وتهاني زادت جمال علي جمالها لان بي المختصر طالعة اتهبل 
    ////فات الوقت وفاتت الحفلة وكان كل شي من الفخامة في حفلة تهاني تمت الحفلة وجي ابراهيم مش ايرواح بي تهاني ورواح بيها المهم انتم تعرفو عادات اللليبين رفعها ودرجوها وهكي لين رواح بيها لي الحوش 
    ابراهيم،،،،،،نورتي الحوش 
    تهاني،،،،،النور نورك شكرا 
    ابراهيم،،،،،شن رايك في الحوش انشاء لله عجبك
    تهاني ،،،،،،ايه ما شاء لله حلو الباين 
    ابراهيم،،،،،اتعالي انوريك الباقي 
    ////وراها الباقي كله وبعدين اتعشو 
    ///تهاني كانت ملتبكة نوعآ ما لان ابراهيم متعرفاش هلبة ومصارش بينهم محادثات هلبة هذا علاش مرتبكة شوي 
    ////ابراهيم حاول انه ايحسس تهاني بي الامان معاه 
    ابراهيم،،،،،تهاني عندي ليك مفاجأة
    تهاني،،،،،ان شاء لله خير 
    ابراهيم،،،،، غدوة قالتلي امي في حفلة ثانية بس بعد غدوة بنسافرو الي السنغافورة 
    تهاني،،،،،ههههههههههههههه حفلة ثانية 
    ابراهيم،،،،،هههههههه ايه امالا شن ايقوللوها 
    تهاني،،،،،،هههههههه اسمها محضر 
    ابراهيم،،،،،،،هههههه عادي زي بعضه 
    تهاني،،،،،،،لكن بجد فرحتني ان بنسافرو وخصوصا سنغافورة ماشيتلها وانا صغيرة حلوة هلبة 
    ابراهيم،،،،،،الحمد لله وان شاء لله تعجبك لما نوصلو 
    تهاني،،،،،،،ان شاء لله
    ////فاتت الليلة زي اي عروسين فرحانين بي بعض وناضو ثاني يوم واتجهو الي المحضر وحضرو محضرها وروحو جهزو شناطيهم مش اليوم الثاني يطلعو الي السنغافورة 
    تهاني،،،،،ابراهيم انا منعرفش انوتيلك شنطك منعرفكش شن تلبس 
    ابراهيم،،،،،،عادي اصلا انا انحب انوتي شنطي بروحي مش مننساش شي 
    تهاني،،،،،خلاص اتعالا انت وتيها خلي انا انضم الحوايج 
    ابراهيم،،،،،،اوكي 
    //////وتو الشناطي وبعدين اتعشو ورقدو وناضو الفجر واتجهو الي المطار طبعا اماليهم سلمو عليهم في المحضر 
    /////وصلو الي السنغافورة وكانت احلا ايام بي النسبة لي ابراهيم وتهاني مخلوش مكان ما مشولاش وضحك وجري وتهاني اتعودت علي ابراهيم وابراهيم زاااد تعلقه بيها هلبة 
    ابراهيم،،،،،،تهاني 
    تهاني،،،،،نعم 
    ابراهيم،،،،،،انتي ما عمرك ما حبيتيني 
    تهاني،،،،،،الصراحة ابراهيم كنت انشوف فيك زي خوي وما عمري ما اتوقعت اني نتزوجك في يوما ما 
    ابراهيم،،،،،تعرفي انا انحبك من لما كنتي صغيرة ولما كنا نسكنو جنبكم 
    تهاني،،،،،اااااااه بجد قصدي ليك هلبة اتحبني احكيلي احكيلي 
    ////وهنا حكالها ابراهيم يلي في قلبه كله وهي كانت منصدمة لان عمرها ما اتوقعت ابراهيم ايحبها الي الدرجة هاذي 
    /////قعدو شهر في السنغافورة وجي يوم المرواح 
    ابراهيم،،،،،،،عندك علم ان مزال عندي نية نقعد 
    تهاني،،،،،هههههه حتي انا عندي نية نقعد 
    ابراهيم،،،،،باهي شن رايك نقعدو 
    تهاني،،،،،لالا خلاص هوا هذا ولله استاحشت اماليا نبي انرواح 
    ابراهيم،،،،ماشي تمام 
    ///// وتو شناطيهم وروحو ومجرد وصلو الي ليبيا روحو الي بيتهم 
    /////وثاني يوم مشو الي بيت اهل ابراهيم واهل تهاني 
    بعد اسبوع،،،،،،،،،،،،،،،،،،،،،،،،،،،،،،ويتبع 


    ،،،،،،،حلا،،،،،

    يتبع.... 


    جميع الحقوق محفوظة للمؤلفة حلا 

    لمتابعة صفحة المؤلفة علي الفيس بوك : من هنا
    abdalaziz
    @مرسلة بواسطة
    كاتب ومحرر اخبار اعمل في موقع فيتو الاخباريه .

    إرسال تعليق