رواية هموم رجل الفصل الأول

رواية هموم رجل الفصل الأول

    رواية هموم رجل الفصل الأول



    الحلقة الاولي من << هموم رجل >>

    ،،،،،الصبح 
    ابراهيم،،،،،،صباح الخير يما 
    امه،،،،،صباح النور وليدي هي خش غير حوايجك خلي انوتيلك فطورك
    ابراهيم،،،،،،هي 
    /////خش ابراهيم دار دوش وغير حوايجه وطلع قعمز ع الطاولة مع امه وقعد يفطر هوا وياها 
    عمي محمد،،،،،صباح الخير 
    ابراهيم وامه،،،،،صباح النور 
    ابراهيم،،،،،بما ان بوي جيت انا نبي انقوللكم موضوع 
    امه،،،،انشاء لله خير
    ابراهيم،،،،،،خير انشاء لله بس انتم عارفين اني كملت حوشي وتميت كل شي فلهاذا توا نبي نخطب 
    امه،،،،،،الحمد لله انت اشر وانا نمشي 
    بوه،،،،،،ومن هي يلي تبي تخطبها هاذي 
    ابراهيم،،،،،،انا قداش ليا حاط العين عليها تهاني بنت عمي عبد السلام جارنا قبل 
    بوه،،،،،ناس كويسة 
    امه،،،،،خلاص مدام انت تبيها وبوك قال ناس كويسة اليوم ترفعني 
    ابراهيم،،،،،خلاص كلميها امهم بعدين وانا نرفعك ماشي
    امه،،،،،باهي وليدي كويس 
    ابراهيم،،،،،يلا نستأذن انا وقت علي العمل سلام اتوصو حاجة 
    امه وبوه،،،،،لالا سلامتك 
    ابراهيم،،،،،ماشي سلام 
    ////طلع ابراهيم ومشي الي العمل متاعه وهوا كان بيطير من الفرحة لان واخيرا بيخطب حبيبته 
    /////فات الوقت لين جت الساعة 12 وخيرية اتصلت بي ام تهاني وقالتلها انها تبي اتجيها وقالتها باهي 
    خيرية،،،،،،،اسماااااء << مرت خالد خو ابراهيم >> 
    اسماء،،،،،ايوا نعم يا الاي 
    خيرية،،،،،،بنمشي نخطب لي ابراهيم تمشي معاي 
    اسماء ،،،،،،اليوم باهي باه الف مبروك خلاص عادي نمشي 
    خيرية،،،،باهي خلاص وتي روحك الساعة ستة ماشي 
    اسماء،،،،،،ماشي 
    خيرية،،،،،،خلي نتصل بي مها 
    طوووط طوووط
    مها،،،،،الو ماما 
    خيرية،،،،اهلين كيف حالك 
    مها،،،،تمام 
    خيرية،،،،،بنقولك اليوم بنخطبو لي هوك ابراهيم شني تمشي معانا 
    مها،،،،،،الله الف الف مبروك واخيرا ابراهيم باهي الحمد لله 
    خيرية،،،،،،ايه ولله فرحني هلبة شني تمشي 
    مها،،،،،،باهي خلاص توا انقول لي خليل ايجيبني عندكم ونمشي معاكم 
    خيرية،،،،،باهي خلاص نستنو فيك باهي 
    مها،،،،،باهي ماما حق من هي يلي يبيها 
    خيرية،،،،،،توا بوك اينادي عليا خلي نمشيله واتعالي وبعدين توا تعرفي من هي 
    مها،،،،باهي ماما باهي 
    خيرية،،،،،،بسلامة
    -//////سكرت خيرية ومشت لي الغداء وطيبت وهنا رواح ابراهيم وخالد من العمل 
    خالد،،،،،السلام عليكم 
    امه،،،،،،حتو وعليكم السلام اليوم مع بعضكم 
    ابراهيم،،،،،،لالا اليوم تلاقينا ع الباب
    امه،،،،،اها باهي هي خشو غيرو الغدي قريب يجهز 
    ابراهيم،،،،،،وين احمد 
    امه،،،،،،راقد هذاكا كاني سميته حميدة خيرلي
    خالد،،،،،علاش 
    امه،،،،،طول الوقت وهوا راقد ولا يمشي لي القراية ولا شي 
    ابراهيم،،،،،خليه عليا توا نتصرف معاه 
    امه،،،،،،باهي ابراهيم. عطيه علي رأسه بالك يتحشم منك هوا 
    خالد،،،،،وبوي وين يا حسرة علي اياماتي انا وابراهيم كنا نمشو لي المدرسة بي الطرايح والجامعة ايهزب فينا قدام اصحابنا 
    امه،،،،،،بوك هذا مش عارفة خير دعوته وفاش لاهي الايام هاذي 
    ابراهيم،،،،،،علاش خيره
    امه،،،،،تعرفه بوك مش من عوايده انه ساكت هكي قبل دائما الحوش عياط وتكشيخ وقبل ما يرضاش واحد من اولاده ميمشيش لي الجامعة لكن توا مش عارفة خير دعوته 
    خالد،،،،،،بالك ايودع 
    ابراهيم،،،،،،اتحشم علي وجهك 
    امه،،،،،،اسسسسس بالك يسمعك 
    خالد،،،،،ههههههههه
    امه،،،،،هي هي برو غيرو حوايجكم خلي انوتي الغدي 
    خالد،،،،،،علاش وين اسماء
    امه،،،،،،اهيا في المطبخ 
    خالد،،،،،خلاص خلي نركب انغير حوايجي 
    ابراهيم،،،،،،حتي انا 
    ////ركب خالد لي حوشه وابراهيم خش لي داره غير حوايجه وبعدين خش لي دار احمد 
    ابراهيم،،،،،،،مشااااااااء لله علي صنة الدخان 
    ///احمد ناض مقعمز 
    ابراهيم،،،،،،خيرك انخلعت 
    احمد،،،،،شي 
    ابراهيم،،،،،،علاش صنة الدار دخان 
    احمد،،،،،اااا ماهو 
    ابراهيم،،،،،ماهو شني
    احمد،،،،،ماهو بوي الصبح جي اعطاني محاضرة وقعد ايدخن 
    ابراهيم،،،،،،اهااا بوي صار 
    احمد،،،،،ايه 
    ابراهيم،،،،،،تعرف اقسم بي لله مرة ثانية نسمع امك اتنوضك ومتنوضش لما انغيرلك خريطة وجهك فااااااهم 
    احمد،،،،،،باهي حاضر 
    ابراهيم،،،،،،والصبح نلقاك في الجامعة متاعك فااااهم 
    احمد،،،،،باهي يا ابراهيم خيرك اتعيط
    ابراهيم،،،،،،خيرني انعيط راقد زي البنات لي الساعة 3 واتقولي خيرني انعيط نووووض 
    احمد،،،،،،هي نايض
    ////طلع ابراهيم وقربع الباب ولقي اسماء وامه ايوتو في الغداء 
    ابراهيم،،،،،،انتم وتو السفرة وانا توا انقيمها ماشي رزينة عليكم 
    اسماء،،،،،لالا ابراهيم عادي توا انقيمها 
    ابراهيم،،،،،،لالارزينة انتم غير وتو الحاجات وانا توا انقيمها 
    اسماء،،،،،،باهي ماشي 
    ////وتو هما الحاجات وجي ابراهيم قام السفرة وقعمزو اتغدو وطبعا ماشيين بي قانون لا كلام علي طعام لان. بوهم محرم عليهم الهدرزة ع الماكلة من صغرهم 
    ////كملو غداهم واسماء غسلت الماعين 
    ابراهيم،،،،،شني يما كلمتيهم 
    امه،،،،،ايه كلمتهم وقالت قاعدين بعدين ارفعنا ماشي 
    ابراهيم،،،،،ماشي حاضر من بيمشي 
    امه،،،،،انا واسماء ومها 
    ابراهيم،،،،اهااا ماشي 
    خالد،،،،،،اووووو خوي بيتزوج واخيرا 
    ابراهيم،،،،،قول انشاء لله 
    خالد،،،،،،خالد بتخطب حبيبت القلب تهاني 
    ابراهيم،،،،،،هههههه اتحشم علي وجهك
    امه،،،،وانت منين تعرف ابراهيم انت اتكلم فيها تهاني 
    ابراهيم،،،،،،لالا
    خالد،،،،،يما انا انفهمك هذا ولدك ايحب تهاني من لما كان صغير ودائما ايقول نبي نكبر مش نتزوج تهاني هههههه
    ابراهيم،،،،، اتحشم 
    امه،،،،،،ههههههه باهي اهم شي ولدي كبر وولا راجل كامل مكمل مشاء لله عليه 
    خالد،،،،،،ههههههه نهاية حب زواج 
    امه،،،،،،،تتسهوك علي خوك امالا انت يلي الناس كلها سامعة بيك اتحب اسماء وتبيها وقريب كلبت علي خاطرها 
    اسماء،،،،،،ههههههه بجديات 
    ابراهيم،،،،،،ايه قصدك مقالكش 
    اسماء،،،،،،لالا دائما ايقولي بوي عاجباته العائلة ويبي وحدة من البنات وبي الصدفة طلعت انا 
    احمد،،،،،،هههههههههههه اسماء وانتي صدقتيه 
    ابراهيم،،،،،،لا لا اسماء كذاب راه هذا خوي ميت فيك من لما كنتي تقري في الثانوي ويبيك واكثر من مرة احكالي عليك 
    خالد،،،،،،،اسكت 
    ابراهيم،،،،،،وانت علاش تكذب علي البنت 
    اسماء،،ً،،،،،هههههههه ولله فرحتوني 
    امه،،،،،،الباب ايطقطق هاذي اكيد مها 
    مها،،،،،اهللللللين 
    كلهم،،،،،،اهلين 
    ابراهيم،،،،،،وين خليل 
    مها،،،،،مستعجل مشي الف الف مبرووووووك 
    ابراهيم،،،،،لله يبارك فيك 
    مها،،،،،،ومن العروسة انشاء لله 
    احمد،،،،،،حبيبة القلب تهاني 
    ابراهيم،،،،،،،صكر فمك خير ما انوضلك 
    مها،،،،،هههههههه باهي كويس اتوقعت اصلا 
    ابراهيم،،،،،خلي انخش نرقد وانتم نوضوني الخمسة ونص ماشي 
    امه،،،،،ماشي 
    /////خش ابراهيم لي داره وطول الوقت وهوا فرحان بيطير لان واخيرا بيخطب حبيبته يلي ايحبها من لما كان صغير وقعد ايفكر زعما اماليها ايوافقو او لا لين خداه النوم وناض علي صوت امه 
    امه،،،،،،وليدي هي نوض الساعة قريب ستة 
    ابراهيم،،،،،،هي يما هي نايض واتيين انتم 
    امه،،،،،ايه اسماء ركبت اتبدل واختك مبدلة وانا توا بنبدل 
    ابراهيم،،،،،ماشي /////ناض وكلهم جهزو نفسهم وبدلو وطلعو وصلو لي حوش تهاني وطلعت تهاني وطبعا كلهم انبهرو بي جمالها لان قداش ليهم ما شافوهاش وخطبوها وبعدين ابراهيم كلمهم وطلعو 
    ابراهيم،،،،،،شني صار انشاء لله خير 
    امه،،،،،،ولله يا وليدي مشاء لله عليها تهاني وحسيتهم من كلامهم كأن موافقين وانشاء لله قالو غدوة ايردو علينا 
    ابراهيم،،،،،،اهاا انشاء لله 
    مها،،،،،ولله يا برهوم الفرخة اتهبل كيف مولية محلاها 
    ابراهيم،،،،،،،ايه عارف
    اسماء،،،،،ههههههه ابراهيم انت اتشوف فيها 
    ابراهيم،،،،،،اييييييي كل يوم لازم انشوفها 
    امه،،،،،،اتحشم حتي قدام امك 
    كلهم،،،،،،هههههههههههههههههههههه
    ابراهيم،،،،،،هههههه عادي يما عادي 
    امه،،،،،،ههههههه حتي انا انبصر 
    //////فات اليوم والعايلة كلها جوها تمام وملتمة وابراهيم كان يستني في الرد منهم لان قلبه وعقله معاها طول الوقت لين جي اليوم الثاني 
    ابراهيم،،،،،،،يما اتصلتي شن صار 
    امه،،،،،،لا ولله ما اتصلت توا العشية نتصل 
    ابراهيم،،،،،،باهي ماشي هي سلامات انا ماشي الي العمل 
    امه،،،،،ابراهيم نسألك 
    ابراهيم،،،،،اتفضلي يما 
    امه،،،،،،انت شن اتحس فيهم بيقولو 
    ابراهيم،،،،،ولله ما نعرف يما 
    امه،،،،،باهي معقولة متكلمش فيها بكل ولا مرة 
    ابراهيم،،،،،يما تعرفيني مش امتع الدوة هاذي ولا
    امه،،،،ايه عارفة لكن انت اخطبتها ونيتك شريفة علاش مكلمتهاش اقل شي اعرفت رايها هي 
    ابراهيم،،،،،يما انا ولله ما نعرف نتعامل مع النساوين منعرف شن انقوللها
    امه،،،،،، باهي وليدي برا وايصير خير انشاء لله توا العشية انكلمهم 
    ابراهيم،،،،،ماشي اتوصي شي 
    امه،،،،،،،ايه جيب معاك فواكه وانت جاي 
    ابراهيم،،،،،ادليلي حاضر 
    امه،،،،،،،سلمه ياربي حق احمد ناض 
    ابراهيم،،،،،،،،،ايه خطمت عليه لقيته نايض كان ممشاش اتصلي بيا بس 
    امه،،،،،باهي ماشي في امان لله 
    ابراهيم،،،،،سلام 
    /////طلع ابراهيم ومشي الي العمل متاعه واما احمد ناض لانه لو ممشاش لي الجامعة انهاره احرف من ابراهيم 
    /////ابراهيم كان طول الوقت وهوا يستني في العشية امتي اتجي مش امه اتكلم ام تهاني 
    ------------------ في حوش تهاني 
    فوزية،،،،،تهاني شن رايك في ابراهيم 
    تهاني،،،،،انتي شن اتقولي 
    فوزية ،،،،،ولله الولد مشا ءلله عليه محترم ومتربي وحالتهم كانت تحت الصفر لكن مشاء لله كيف خلا اماليه مشاء لله غيرو حوشهم وخلاهم ما ناقصهم حاجة يعني راجل تعبي عليه 
    تهاني،،،،،،ايه وانا موافقة 
    فوزية،،،،،،باهي الحمد لله وانا امس سألت بوك وخوتك وقالو موافقين عليه وتوا تتصل امه انقوللها ان احنا موافقين 
    تهاني،،،،،،باهي كويس 
    ________________ 

    في حوش عمي محمد روحو الاولاد من العمل وبوهم حتي هوا رواح واتغدو وابراهيم علي نار يستني في الرد من عائلة تهاني 
    محمد،،،،،،ابراهيم خيرك ساكت 
    ابراهيم،،،،،،شي يا بوي 
    محمد،،،،،، شني كلمتو العيلة ردو عليكم 
    ابراهيم،،،،،،لالا يا بوي بعدين 
    محمد،،،،،،اااااه انشاء لله ايصير خير وكان رفضوك اني عندي بنت مليحة 
    ابراهيم،،،،،ايصير خير <<< ايصكر في الموضوع لان كان سايره بيقوله خلي نخطبهالك وفوت تهاني >>>
    خيرية،،،،،،محمد وانت منين تعرفها البنت 
    محمد،،،،،وانتي من امتي تسألي وعلاش التقصقيص 
    خيرية،،،،،،لالا غير نبي نعرف شيباني زيك منين عنده بنت مليحة 
    محمد،،،،،اسكتي خير ما انوضلك 
    ابراهيم،،،،،خلاص يا بوي صلي ع النبي 
    محمد،،،،،،اسمع امك شن اتفتفت 
    خيرية،،،،،،وانت شن اتفتفت 
    ابراهيم،،،،،،يما خلاص خلاص
    امه،،،،،انا نايضة واقعد فيها 
    /////ناضت خيرية ومشت لي الدار الثانية وابراهيم قعد يسمع في محاضرة بوه وخلاه لين رقد وبعدين مشي الي امه 
    ابراهيم،،،،،،يما متزعليش 
    امه،،،،،لالا وليدي مش زعلانة 
    ابراهيم،،،،،تعرفيه بوي من صغره ميعرفش يتكلم ولا و ائما كلامه اعوج 
    امه،،،،،،ايه توا هوا منين يعرفها البنت المليحة 
    ابراهيم،،،،،هههههه هاذي غيرة ولا شني 
    امه،،،،،،لا ولله لا لكن شيباني عقاب عمره يتكلم هكي 
    ابراهيم،ً،،،،،،فوتيه يما هذا بوي وهذا طبعا ديري ودن من طين وودن من عجين وخلاص 
    امه،،،،،انشاء لله 
    ابراهيم،،،،،،يما الساعة ستة كلميهم 
    امه،،،،،ههههههه مستعجل 
    ابراهيم،،،،،هلبة 
    امه،،،،،باهي خلي انجيب تلفوني 
    ابراهيم،،،،،غير قوليلي وينه وتوا انا انجيبهولك 
    امه،،،،،تلقاه علي طاولة المطبخ 
    ابراهيم ،،،،،ماشي 
    /////مشي ابراهيم وجاب تلفون امه وطلعله الرقم واتصلت وبعد ما كملت المكالمة 
    ابراهيم،،،،،خير يما شني صار 
    امه،،،،،،،،مبروك وليدي قالو باهي 
    /////وهني الفرحة غمرت ابراهيم وحضن امه ودموع الفرح في عيونه
    امه،،،،،،،ههههه ابراهيم اول مرة انشوفك فرحان هكي حتي لما اتخرجت مفرحتش هكي 
    ابراهيم،،،،،ولله يما بنطير 
    امه،،،،،،باهي وليدي انشاء لله دائما فرحان 
    ابراهيم،،،،،انشاء لله يارب باهي امتي بتمشو 
    امه،،،،،،توا اول شي الفضانية وبعدين البيان وبعدين العرس
    ابراهيم ،،،،يما انا واتي العرس نبيه بعد شهر 
    امه،،،،،اللطف وليدي مصرع
    ابراهيم،،،،،انا حوشي كامل والذهب الحمد لله عندي حقه والعرس عندي حقه وهي لما نقصها شي انا ندفعهر
    امه،،،،،ماهو الحجز توا انقوللهم وانشوف شن رايهم ماشي 
    ابراهيم،،،،،باه خلاص توا نمشي انكلم بوي وانقوله الفاضنية يوم الجمعة كويس
    امه،،،،،باهي كويس برا قوله 
    /////طلع ابراهيم وقال لي بوه وطبعا بوه ك العادة قعد يتفلسف عليه وابراهيم ايساير فيه وجي يوم الجمعة ودارو الفضانية وبعدها امها مشتلهم وقالت تبي العرس بعد شهر وهما وافقو لان خوها يبي يتزوج بعد شهر ف تهاني وخوها بيتزوجو مع بعض 
    //////وبدأت تحضيرات العرس وابراهيم الفرحة معبية قلبه ودار الرؤية الشرعية وزااااد انعجب بيها وزاد حبها وهي كانت موافقة عليه بس اتفقو انهم ميتكلموش لين يقرو الفاتحة وجي اسبوع العرس 

    ،،،،،،،،،،،،،،،،،،،،،،ويتبع 

    ،،،شن هوا الشي يلي يستني في ابراهيم مش يقلب حياته رأسا علي عقب وعلاش اسم الرواية هموم رجل معا انه حياته الي حد الان مستقرة تابعوني في الحلقات الجاية وتوا تعرفو علاش << هموم رجل >>

    ،،،،،،،،، حلا،،،،،،

    يتبع...


    جميع الحقوق محفوظة للمؤلفة حلا من صفحة روايات ليبية

    لمتابعة صفحة المؤلفة علي الفيس بوك : من هنا
    abdalaziz
    @مرسلة بواسطة
    كاتب ومحرر اخبار اعمل في موقع فيتو الاخباريه .

    إرسال تعليق